Bakalanga nebunyambi

Bakalanga apa kuhha kumizano yemakumbo nemba tagala tizibgwa kwazo tili nyan’inya mudzikwayara, muRhumba nemuwhoso. Ndingabalisa bafi bo Ndux Malax, boSolomon Skuza nebamwe banjinji njinji. Ndakati gole lapinda ndiliseli yegungwa ndikahuba tjiKalanga kunowhisa ngoni, ndipo pandakatanga kwala nhetembo ndidzi ‘recorder’ ndikodziposela mu ‘Youtube’. Tjakanditjenamisa izila baKalanga yabaka wamitjila nayo n’hingo wangu kati imi ndatangisa kuli nzano. Ndakabona kuti kobva uti baKalanga bunyambi nebumhihha kwagala kumulopa. Mahhuba akatebela ndakatangisa vima n’hingo webunyambi webaKalanga. Ndowo longolosa pasi apa mihingo imwe ya ungabe wagala wawusingazibe kuti baKalanga banoyiyeta.

Nhetembo

Bagala bakalanga bezibgwa nebunyambi gwendebo kati netjiKalanga sekwa ndatongo kwala mundima yakapinda kuti tjosungula nhu uti aebe sekwa anohaka esingotondekiwa kuyi watukana. Nhetembo dzetjiKalanga bunji gwadzo dzandakahangana nadzo ndedzinogongobla, dzinahaya, yedzo.

1. Anditotukana – Ntando Dumani

2. Timugwekelende – Onias Wadabila – Wadabila

3. Madomi ma nyanya – Onias Wadabila – Wadabila

4. Yalila hwehhu – Ntando Dumani

Hip-Hop yetjiKalanga

Hip-hop inlenje wemba wagala uzibgwa uliwetjikhuwa seli yegungwa nekuGoli ngono baKalnga bayitolela pehhugwi ndadza ndikahanha kubi. Ndisimupedzele lubaka ndipoteleka muzwiwhile nzipo ungapa banhu bedu.

1. Ubabudze – Magilo na Leader ft Ndingo Johwa

2. Holiday – Magilo naLeader

Jazz yetjiKalanga

Ndingo Johwa inhutana wabe nelubaka gulefu kwazo emba nlenje weJazz netjiKalanga ehanganya newhoso nehosana ezipisa. Tjandinoda kwazo izila ya anoleba nayo ndebo nengano dzetjiKalanga ehingisa njimbo. Unozipisa kwazo muzwiwile.

1. Wakandisekela – Ndingo Johwa

2. Nkabayile – Ndingo Johwa

3. Batalawunda – Ndingo Johwa

Dzinjinji modziwana mumhepo mukadzivima. Tjinosala whuti baKalanga banabunyambi gupabi kakale nenlenje wabo banowukudza nehanganya zila dzezana nedzemba dzangwenu nedzenlenje wetjiKalanga wantolo unobe uli iwo midzi yetjiKalanga.